Situacion: Dintratz dins ‘na botiga ònte la femna es un pauc sorda. Vos a pas ben auvit, e, quand li avetz damandat un quilo d’oranges, vos damanda si quo es de las mandarinas que voletz. Dijatz-li que non, que çò que voletz, quo es daus oranges.

Interpretacion de l’enonciat: Declarativa non nèutra amb focalizacion contrastiva

Informador: P. F.

Descripcion: Aqueste contorn a dos domenis intonatius. Lo primièr correspond a la particula negativa Non!, que recep una pojada de ton, seguida d'un ton de frontièra bas. Lo segond comença per un movement ascendent del ton sus la sillaba tonica vò-, puèi lo ton se manten en un planastèl abans de pojar leugièrament sus la sillaba tonica -ran-, qu'es pro longa. Lo ton de frontièra realizat sus la darrièra sillaba -ges es bas. Cal remarcar que l'informador utiliza lo mot orange en femenin per influéncia del francés.

Enonciat: Non! Vòle de las ORANGES!